4

മു​ട്ടം: ക​ട​യി​ൽ അ​തി​ക്ര​മി​ച്ചു ക​യ​റി ജീ​വ​ന​ക്കാ​രെ ആ​ക്ര​മി​ച്ച കേ​സി​ൽ പ്ര​തി​ക​ൾ​ക്ക്14 വ​ർ​ഷം ത​ട​വും 35,000 രൂ​പ പി​ഴ​യും. 2017 ജൂ​ലൈ എ​ട്ടി​ന് രാ​ത്രി എ​ട്ടി​ന് ക​മ്പി​വ​ടി​ക​ളു​മാ​യി രാ​ജാ​ക്കാ​ടു​ള്ള പെ​യ്യ​ക്ക​ൽ വീ​ട്ടി​ൽ മ​ത്താ​യി വ​ക ക​ട​യി​ൽ അ​തി​ക്ര​മി​ച്ചു ക​യ​റി​യ കേ​സി​ലാ​ണ് പ്ര​തി​ക​ളാ​യ രാ​ജാ​ക്കാ​ട് വി​ല്ലേ​ജ് പു​ന്ന സി​റ്റി ക​ര​യി​ൽ കാ​ക്കു​ന്നേ​ൽ വി​ഷ്ണു, കു​ര​ങ്ങു​പാ​റ​ക്ക​ര​യി​ൽ മ​ഠ​ത്തി​പ്പ​റ​മ്പി​ൽ ബി​ബീ​ഷ്, കാ​ഞ്ഞി​രം​ത​ട​ത്തി​ൽ അ​ഖി​ൽ, വ​ലി​യ​ക​ണ്ടം ഭാ​ഗ​ത്തു​ള്ള മാ​യി​ക്ക​ൽ റോ​ബി​ൻ എ​ന്നി​വ​രെ​യാ​ണ് ഇ​ടു​ക്കി ജി​ല്ലാ കോ​ട​തി അ​ഡി​ഷ​ണ​ൽ ജ​ഡ്ജി എ​സ്.​എ​സ്. സീ​ന വി​ധി​ച്ച​ത്.

മ​ത്താ​യി​യു​ടെ ആ​ക്രി​ക്ക​ട​യി​ലെ ജോ​ലി​ക്കാ​രാ​യി​രു​ന്ന അ​സം​കാ​രനാ​യ മ​ജാ​ലു​ദീ​ൻ (36), ത​മി​ഴ്നാ​ട്ടു​കാ​ര​നാ​യ ക​റു​പ്പു​സ്വാ​മി (48), എ​ന്നി​വ​രെ ആ​ക്ര​മി​ച്ച് പ​രി​ക്കേ​ൽ​പ്പി​ച്ച​താ​ണ് സം​ഭ​വം. ബൈ​ക്കി​ന്‍റെ പാ​ർ​ട്സ് വാ​ങ്ങാ​നെ​ത്തി​യ പ്ര​തി​ക​ളോ​ട് ക​ട​യു​ട​മ വ​ന്നി​ട്ടേ സാ​ധ​ന​ങ്ങ​ൾ ത​രൂ എ​ന്ന് പ​റ​ഞ്ഞ​തി​ലെ വി​രോ​ധ​മാ​ണ് ആ​ക്ര​മി​ക്കാ​നു​ള്ള കാ​ര​ണം.

കേ​സി​ൽ പ്രോ​സി​ക്യു​ഷ​നു വേ​ണ്ടി അ​ഡ്വ. ജോ​ണി അ​ല​ക്സ് മ​ഞ്ഞ​ക്കു​ന്നേ​ൽ ഹാ​ജ​രാ​യി. രാ​ജ​ക്കാ​ട് എ​സ്എ​ച്ച്ഒ ആ​യി​രു​ന്ന പി.​ഡി. അ​നൂ​പ്മോ​നാ​ണ് പ്ര​തി​ക​ൾ​ക്കെ​തി​രേ അ​ന്വേ​ഷ​ണം ന​ട​ത്തി കു​റ്റ​പ​ത്രം സ​മ​ർ​പ്പി​ച്ച​ത്.